Hiyasmin (253)
GULAT na gulat si Mama Lira sa sinabi ni Siony ukol kay Rashid, ang ama ni Hiyasmin.
“Anong nalaman mo ukol kay Rashid, Siony,” tanong ni Mama Lira.
“Mula nang umalis ka sa pagsisilbi sa kanila, naobserbahan ko ang mga nangyayari sa pamilya nina Rashid. Tuwing lumalabas ako para magtapon ng basura, napapansin ko si Rashid na parang wala sa sarili.”
Hindi nakapagsalita si Mama Lira. Naguluhan siya.
“Pero nang umalis ako sa bahay nila, wala na roon si Rashid, Siony. Nasa kamag-anak na raw nakatira at dun na rin magtatrabaho. Sinabi sa akin ng ina ni Rashid.”
“Hindi totoo yun, Lira. Ilang araw makaraan kang makaalis, dumating si Rashid. Kitang-kita ko ang pagbalik niya. Sinundo siya ng mga magulang niya.”
“Hindi totoong umalis si Rashid?”
“Oo.”
Natigilan si Lira. Kung ganun tama ang hinala niya na kaya nawala si Rashid ay dahil kusang inilayo ng mga magulang nito.
“Alam mo Lira, isang tanghali na inilabas ko ang basura, nakita ko si Rashid na lumabas ng bahay. Napansin ko, wala siya sa sarili. Parang tuliro siya!”
Itutuloy
- Latest
