Hiyasmin (281)
GULAT na gulat si Dax sa sinabi ng asawang si Hiyasmin. Naka-video call ang mag-asawa. Hindi makapaniwala si Dax na ang resource person sa ginaganap na advertising congress sa New York City ay marunong magsalita ng Filipino or Tagalog.
“Marunong magsalita ng Tagalog ang speaker, Love?” tanong ni Dax.
“Oo, Love.”
“Anong name niya?’’
“Mary Underwood. Bukod sa may-ari siya ng isang advertising agency dito sa New York ay propesor din siya sa isang prestigious university. Marami siyang alam na wika at isa nga ang Filipino sa kanyang na-master.”
“Ang galing naman niya! Pure American ba siya o immigrant?”
“Walang nakasaad sa pinagmulan niya pero ang tingin ko sa kanya, middle easterner ang feature ng mukha.”
“Arab?”
“Parang ganun.”
“Saudi Arabia or Palestinian?”
“Hindi ko matiyak—basta ganun ang feature niya.”
“Sana makilala mo at mag-selfie kayo.”
“Oo nga. Kanina, lalapitan ko na sana matapos magsalita pero hindi agad ako nakalapit. Malayo kasi ang kinaroroonan ko.”
“May speaking engagement pa siya?”
“Meron pa.”
“Pagsikapan mong malapitan para makausap mo sa wika natin.”
“Oo nga Dax. Isa pa, talagang gustung-gusto ko siya—aywan ko kung bakit parang malapit na malapit ang loob ko.”
“Hindi kaya naglilihi ka na, Love?”
Nag-isip si Hiyasmin.
“Baka nga Love—baka naglilihi na ako.”
“At ang babaing speaker ang napaglilihian mo.”
“Kakaiba ang pagkagusto ko kay Mary Underwood, Love.”
“Pero sana naglilihi ka na, Love.”
“Kapag hindi ako niregla, ngayong buwan, baka buntis na ako.”
“Magdadasal ako, Love.”
“Sige Love. Bukas na uli. Kukuwentuhan uli kita tungkol kay Mary Underwood.”
“Sige Love, ingat.”
Natapos ang video call.
Bukas, sisikapin ni Hiyasmin na makausap si Mary Underwood. Gagawin niya ang lahat para ito malapitan.
Itutuloy
- Latest
