Track oval sa Dakbayan sa Talisay gibuksan na

CEBU, Philippines — Hingpit nang gibuksan ang labing unang oval sa Dakbayan sa Talisay nga naa nahimutang sa Talisay City Central School, Barangay Poblacion, kagahapon sa hapon, Miyerkules Marso 26, 2025.

Ang kalihukan gipangulohan mismo ni Talisay City Mayor Gerald Anthony "Samsam" Gullas.

Matud pa ni Gullas, buksan na gayud ang oval nga dugay nang gihandum sa mga Talisaynon diin libre pa kini siya karon samtang wala pa mogawas ang ordinansa bahin niini.

Gumikan kay soft opening pa man ang pagbukas niini adunay mga oras nga gitagana alang sa pagamit niini alang usab sa kaluwasan ug seguridad kay naa man kini sulod sa tunghaan.

Ang oval abli kini alas kwatro ngadto sa alas otso sa buntag, sa hapon alas kwatro ngadto sa alas otso sa gabii. Samtang kung weekends ug holidays alas kwatro sa buntag ngadto sa alas otso sa gabii.

Giklaro hinoon sa mayor nga dili standard ang ilang oval tungod kay kun ilang sundon kinahanglang man siya nga moguba ug 4 storey building nga dili niya mahimo.

Giawhag ni Gullas ang mga Talisaynon nga mogamit ug mopahimulos sa maong pasilidad sa dakbayan. (BANAT NEWS)