EDITORYAL — Ordinansang makatabang

Usa ka maayong ordinansa kaning giduso nilang Cebu City Councilors David Tumulak ug Pastor Alcover Jr. nga Community Action Response to Emergency (CARE) ug Calamity Ordinance nga ang tumong paghimong andam sa mga kabarangayan pagtubag dayun sa alarma kung naay kalamidad o katalagman sa ilang lugar.

Sa pagkakaron, ang matag barangay adunay kaugalingong mga emergency responders ug kaugalingong mga barangay fire fighter nga maoy sagad nga moresponde kung dunay mahitabo sa ilang mga dapit, ug usahay motabang pud og responde sa ubang mga barangay.

Ang mga barangay maoy unang maapektohan kun dunay katalagman mao nga importante gyud nga naa sad kini kaugalingong kasaligang mga responders samtang wala pa ang ubang mga emergency responders.

Husto ang sugyot sa ordinansa nga kinahanglang dunay kaugalingong mga technically equipped nga mga tawo ang barangay sama anang engineers, electricians, plumbers, carpenters, ug uban pa tungod kay kini sila makatabang man nga mapamenusan ang kasakit ug kalisdanan sa ilang mga kabarangay kun motabang sila pag-repair sa mga nangaguba.

Basi sa kasinatian panahon nga naay emerhensiya sama sa sunog, usahay magpaabot pa ang taga barangay sa mga electricians sa Visayan Electric para putlon ang linya sa kuryente sa naapektohang dapit sa barangay, usahay mao pa ni hinungdan nga tungod sa kalangay, dili dayun makabomba og tubig ang mga bombero kay peligro silang makuryentihan.

Praktikal kaayo ni nga ordinansang gipangsugyot sa duha, apan kinahanglan ni og suporta gikan sa Konseho ug sa mayor kay magkinahanglan man kini og budget para sa trainings, ekipo, ug honorariums para sa kuhaong mga skills.

Apan dili kini paigo tungod kay dili silang tanan kwalipikado sa ubang mga dinaliang bulohaton kun naay alarma diha sa ilang dapit. Sagad gani nila firefighting ra hanas ug walay ubang kahibalo sama anang bahin sa mga nangaputol nga linya sa kuryente, mga estrakturang nangaguba, medical knowledge ug uban pa.