2 illegal seller ng baril, arestado
MANILA, Philippines — Nasakote ang isang lalaki at isang babae na ilegal na nagbebenta ng mga baril, sa isang entrapment operation ng Southern Police District- Special Operations Unit (SPD-DSOU), sa Parañaque City, Huwebes ng gabi.
Isinailalim na sa inquest proceedings sa Parañaque City Prosecutor’s Office ang mga suspek na sina alyas “Toto,” 32-anyos; at alyas “Joanne,” 35, sa reklamong paglabag sa Republic Act 10591 (Comprehensive Firearms and Ammunition Regulation Act) at omnibus gun ban sa ilalim ng Section 32 ng R.A. 7166, kaugnay sa Parañaque City Ordinance No. 2023-19 na sakop ng pagdaraos ng plebiscite ng Commission on Elections sa pagbabago ng territorial boundaries ng coastal barangays.
Sa ulat, isinagawa ang operasyon sa pangunguna ni Police Major Antony Valdez, hepe ng DSOU, alas-6:00 ng gabi ng Hunyo 25, 2026, kung saan nakabili ang undercover police, malapit sa Car City Garage sa Lia Road, New Seaside Drive.
Kasama ng DSOU ang District Intelligence Division (DID), District Mobile Force Battalion (DMFB), at Parañaque City Police Station, na nagresulta sa pagdakip sa mga suspek.
Nasamsam ang isang red eco bag na naglalaman ng limang chrome caliber .38 revolvers, at nabawi ang boodle money na may isang genuine marked-money na P1,000.00.
Sinusuri pa ang mga baril kung nagamit sa anumang krimen.
- Latest
