Contractor tiklo sa P.2 milyong shabu, baril
MANILA, Philippines — Arestado ang isang contractor ng construction projects sa isinagawang buy-bust operation matapos masamsaman ng higit P200,000 na halaga ng iligal na droga, sa Taguig City, Martes ng madaling araw.
Sa ulat ng Taguig City Police-station Drug Enforcement Unit, nadakip si alyas “Joy”, lalaki, 47 anyos, residente ng Taguig.
Dakong alas-4:45 ng madaling araw ng Hulyo 16 nang isagawa ang buy-bust sa Barangay Central, Bicutan.
Narekober sa suspek ang boodle money at genuine marked money na ginamit sa operasyon, 31.6 gramo ng shabu na nagkakahalaga ng P214,880, at isang caliber .45 Armscor pistol na may limang bala.
Nakatakdang isailalim sa inquerst proceedings ang suspek sa paglabag sa Sections 5 at 11 ng Republic Act 9165 (Comprehensive Dangerous Drugs Act of 2002) at RA 10591 (Comprehensive Law on Firearms and Ammunition).
- Latest
