Mag-asawang ‘tulak’, huli sa buy-bust

MANILA, Philippines — Arestado ang isang high value individual (HVI) at ang kaniyang misis nang sa isinagawang buy-bust operation ng Pateros Police, sa nasabing lungsod, Martes ng umaga.

Kinilala ang mga suspek na sina alyas “Popoy”, 50-anyos, at “Melissa”, 45 residente ng Hermosa St., Barangay San Roque, Pateros, Metro Manila.

Sa ulat ng Pateros, dakong alas-6:30 ng umaga ng Mayo 7, 2024 nang madakip sa kanilang tahanan ang mag-asawa.

Nabatid na target sa operasyon ng personnel ng Station Drug Enforcement Unit at Station Intelligence Section sa pangunguna ni P/Lt. Napoleon Tongco, hepe ng SDEU ang dalawa na tagumpay namang nakabili ng iligal na droga.

Ang mag-asawa ay nakumpiskahan pa umano ng 55 gramo ng shabu na nagkakahalaga ng P374,000.00; at nabawi rin sa kanila ang buy-bust money, digital weighing scale; at ang iPhone cellphone na ginamit sa transaksyon.