Misakay sa China

Daghan ang mialma sa pamahayag ni Vice President Sara Duterte atubangan sa mga Overseas Filipino Workers (OFW) didto sa Hong Kong tungod kay giisip ni sa uban nga “unpatriotic”.

Bisan ang Armed Forces of the Philippines (AFP) napugos pagluwat og katin-awan maylabot sa kasamtangang relasyon sa Pilipinas ug China taliwa sa padayong panagbangi niini sa teritoryo didto sa kasadpang bahin sa kadagatan sa Pilipinas o mas naila nga West Philippine Sea.

Matud sa AFP nga wala mangita’g away ang Pilipinas ug labaw na nga dili ni gusto nga makiggubat sa China. Igo lang gipanalipdan sa nasud ang iyang teritoryo ug ang katungod ug kagawasan sa mga Pilipino.

Lakip sa mialma mao tigpamaba sa Philippine Coast Guard on WPS nga si Rear Admiral Jay Tarriela kinsa mipasabot nga dili pagpangita og gubat ang pagbarog sa katungod ug pagprotehir sa soberenya sa nasud.

Atol sa iyang pag-atubang sa mga OFW didto sa Hong Kong dili pa lang dugay, gisaway ni Sara ang baruganan sa gobyerno sa kontrobersiya sa West Philippine Sea. Matud niya nga angayan kunong gihuna-huna sa kagamhanan asa kutob ang ang iyang katakos itandi sa kontra.

“Dapat iniisip ng pamahalaan, gaano ba kalaki ang baril ko? Gaano ba kalaki ang baril ng kalaban?,” kini maoy tukma nga mga pulong sa bise presidente.

Posibling kinasing-kasing ug putli ang tumong sa bise presidente sa maong pamahayag aron kapanalipdan ang daghang mga OFW nga tua sa China nga posibling mapagan tungod sa kontrobersiya. Apan angayan usab unta nga iyang gihuna-huna nga siya maoy bise presidente sa Pilipinas ug kabahin sa gobyerno nga iyang gimahayan.

Labaw sa tanan angayang gitan-aw ni Sara ang implikasyon sa iyang mga pulong ngadto sa China.

Alang sa mga Pilipino nga tinud-anay’ng nagpangga sa nasud, way kalainan ang mga pulong ni Sara sa pamasangil sa China batok sa Pilipinas nga maoy nangita og samok ug naghaling og kagubot.

Inay motabang pag-am-am ug pagpasabot sa China nga dili gubat ang gusto sa Pilipinas ug igo lang kining nagprotehir sa iyang katungod sa WPS, gisakyan na hinuon ni Sara ang naratibo sa China.

Dili man lisod sabton ang baruganan sa gobyerno sa Pilipinas niining maong isyu. Ug isip Pilipino ug ikaduhang labing dakong opisyal sa nasud angayang makasabot si Sara niini. Way kalainan ang sitwasyon sa managsilingan nga naglalis sa utlanan sa ilang tugkaran.

Kun badlongon sa usa ang iyang silingan nga milapas na sa utlanan wala ni magpasabot nga gusto siyag sinumbagay o ba kaha tinigbasay