Hilom pa’s Tirana

Nganong hilom pa’s tirana ang ubang mga kongresista sa Sugbo ug sa kabisay-an niining dakong problema nga atong giatubang sa supply sa kuryente?

Nitiyabaw na ang mga negosyante ug mipasidaan sa dakong epekto sa patigayon kun di masulbad dayon ang krisis sa kuryente nga giatubang sa Sugbo ug kabisay-an. Segun sa mga negosyante, mapugos sila pagpatong sa presyo sa ilang mga produkto ug serbisyo kun magpadayon ang rotational brownouts tungod kay kinahanglan silang mogasto og dugang alang sa krudo sa ilang mga generators.

Ang labing dakong hulga sa Sugbo matud sa mga negosyante mao ang kahigayonan sa dugang investment nga posibling mahanaw tungod sa kakuwang nato og supply sa kuryente. Way negosyante nga mobutang og puhonan sa usa ka dapit nga magpunay og brownout.

Gawas nga nihit ang atong supply sa kuryente labihan sab ka mahal niini kun itandi sa presyo didto sa Metro Manila. Tiaw mo bay 12 ka pilo (12x) ang presyo sa kuryente dinhi sa Sugbo itandi sa Metro Manila.

Segun sa presyo sa Independent Electricity Market Operator of the Philippines (IEMOP) niadtong Huwebes sa miaging semana, Sityembre 10, mikabat og P31.776 per kilowatt-hour ang presyo dinhi sa Sugbo samtang didto sa kaulohan anaa lang sa P2.428.

Mao nga ayaw mo kahibolong og tagaliog ang inyong bayranan sa kuryente inig-abot sa inyong bill karong buwana. Apan taliwa niining maong krisis nga giatubang sa mga Sugboanon, usa lang ka