Brigada Eskwela

Pagpamalandong sa Malangkubong kaayohan

Nahimong busy karong mga panahona ang tanang mga tunghaan sa atong nasud. Kini tungod kay Brigada Eskwela man. 

Gihimo kini aron sa ingon magtinabangay ang mga ginikanan ingon man kabataan sa pag-andam alang sa umaabot nga school year 2026-2027. Kahigayonan usab kini aron sa pag-finalize sa mga enrollment ug sectioning sa atong mga Kabataan.

Samtang nahimong busy ang kadaghanan ning maong kalihokan adunay mga pipila ka mga pamalandong nga nisantop ning yano natong panghunahuna.

Naglangkob kini ning mosunod:

1. Kun nahimo kitang madasigong mangandam alang sa mga luna ug mga butang nga makita, naandam ba kaha nato ang disposisyon sa matag usa ng ana-involve sa laing tuig sa pagtungha sa atong mga Kabataan?

Naglakip kin isa mga magtutudlo aron masabtan nila ang ilang katungdanan sa maong kalihukan ug misyon.

2. Paigo lang ba ang Brigada Eskwela? Mag-unsa man ang kadasig kun mamahimong taphaw lamang ang suporta gikan sa mga kadagkoan labina gyud diha sa paghatag og igong budget alang sa mga additional classrooms ug mga facilities aron mamahimong mas mapasayon ang paghatag sa mga serbisyo.

3.  Ang tanan ba nitambong ug nitampo aron mamahimong mas malampuson kini. Dunay uban nga maayo lang modawat sa ayuda apan dili  buot maghago aron dunay matampo unta alang sa kaayohan sa tanan. 

Unta madugangan pa ang kaikag sa kadaghanan labina gyud sa atong mga tunghaan nga ang nindot nga kalambuan makab-ot lamang kun anaa ang pag-inambitay ug pagkugi sa makanunayon gayud.

Tana! Magtambayayong kita!