Panghapong face-to-face classes sa UE Manila, sinuspinde dahil sa bomb threat
MANILA, Philippines — Suspendido ang panghapong face-to-face classes sa University of the East (UE) Manila kahapon bunsod nang natanggap na bomb threat ng paaralan.
Sa abiso ng UE-Manila, nabatid na sakop ng suspensiyon ang lahat ng F2F classes sa unibersidad, mula 1:00 ng hapon.
Nauna rito, nakatanggap ang UE-Manila ng bomb threat na nagresulta para mapilitan silang ilikas ang mga estudyante, mga guro at mga tauhan ng paaralan.Agad namang isinailalim sa security checks ang lahat ng gusali ng unibersidad.
Samantala, hindi naman tuluyang sinuspinde ang klase. Sa halip ay nagdaos na lamang ng asynchronous classes, simula 3:00 PM. Nagpatuloy naman ang online synchronous classes ng College of Law at Graduate School.
Pinayuhan din ang mga estudyante na makipag-ugnayan sa kani-kanilang instructors para sa karagdagang update at instraksiyon.
- Latest
