Naka-hit-and-run sa aso, kinastigo
MANILA, Philippines — Sinuspinde ng 90 araw ng Land Transportation Office (LTO) ang lisensiya ng driver na naka-hit-and-run sa isang aso na nasa viral video.
Batay sa Facebook post na nakarating sa LTO, nasagasaan ng naturang SUV ang aso, pero sa halip na huminto upang tingnan ang kalagayan nito, nagpatuloy pa umano sa pagmamaneho ang driver at tinakasan ito.
Nagpalabas si LTO Chief Markus Lacanilao ng show cause order sa driver at may-ari ng SUV na humarap sa Intelligence and Investigation Division (IID) ng LTO Central Office sa Setyembre 23 upang magsumite ng kanilang mga sinumpaang salaysay at iba pang dokumentong maaaring maglahad ng kanilang panig kaugnay ng alegasyong Reckless Driving.
Inatasan ang driver na agad isuko ang kanyang driver’s license sa IID. Isinaillalim na rin sa alarm status ang naturang SUV habang nagpapatuloy ang imbestigasyon.
- Latest
