Rotation brownout

Tungod sa suliran sa supply sa kuryente mipatuman karon og rotational brownout ang mga power distributor dinhi sa Sugbo sama sa VECO, MECO, CEBECO ug uban pa.

Ang Sugbo ug kinatibuk-an nga tunga-tungang Visayas nanginahanglan og 300 megawatts nga supply sa kuryente aron ma-estabilize ang regional grid ug mapakgang ang rotational brownout.

Ang Sugbo nanginahanglan og 45-50 porsiyento nga supply sa kuryente sa kinatibokang panginahanglan nga tunga-tungang Visayas diin anaa sa 1,400 megawatts ang gikinahangkan sa lalawigan sa Sugbo.

Sa tibuok rehiyon panahon sa peak hours ang rehiyon misobra sa 2, 400 ngadto sa 2, 575 megawatts nga panginahanglan sa kuryente.

Ang dili planado nga pagshotdown sa mga coal-powered plant nagbilin kini og 971 megawatts nga kakuwangan sa kuryente nga maoy nagtriger sa National Grid Corporation of the Philippines sa pagpagawas og red ug yellow alerts.

Tungod niini, gipatuman ang rotational brownout. Sugyot nako, ipatuman lang ang rotational brownout ngadto sa mga dagko og konsumo sa kuryente sama sa mga malls ug ubang dagko nga mga negosyo kay dili kaayo sila maapiktohan sa brownout kay aduna silay mga generators.

Ang problema mao ang kakuwang sa supply sa kuryente busa kun ang mga dagko og kunsumo sa kuryente mao lang ang ipaubos sa rotational brownout labing seguro dili na motaas ang lanak sa brownout. Mao ang ako sugyot.