^

Metro

LRTA: Operasyon ng LRT-2, paiikliin sa Hulyo 25

Mer Layson - Pilipino Star Ngayon

MANILA, Philippines —  Inihayag ng Light Rail Transit Autho­rity (LRTA) na nakatakdang magpatupad ang LRT Line 2 (LRT-2) ng pinaikling operasyon sa Hulyo 25, 2026.

Sa abiso ng LRTA, nabatid na layunin nitong bigyang-daan ang agarang pagsasaayos at pagpapalit ng rigid frognose sa mainline track sa pagitan ng V. Mapa at J. Ruiz Stations para sa kaligtasan at mas maaasahang operas­yon ng rail line.

Anang LRTA, alinsunod sa naturang shortened operation, ang huling biyahe ng tren mula Recto Station ay alas-8:00 ng gabi na lamang sa nasabing petsa habang alas-7:30 ng gabi naman ang huling biyahe na magmumula sa Antipolo Station.

“Para sa kaligtasan at mas maaasahang operasyon, magpapatupad ang Light Rail Transit Authority (LRTA) ng shortened operations sa Hulyo 25, 2026 sa LRT Line 2 upang bigyang-daan ang agarang pagsasaayos at pagpapalit ng rigid frognose sa mainline track sa pagitan ng V. Mapa at J. Ruiz Stations,” anunsiyo ng LRTA.

Nabatid na ang rigid frognose ay bahagi ng riles na nagsisiguro sa maayos na pagdaan ng tren kapag lumilipat ito sa ibang track.

Makikipagtulungan din sila sa Metropolitan Manila Development Autho­rity (MMDA), Philippine Ports Authority (PPA), Philippine Coast Guard (PCG), at Philippine National Railways (PNR) upang makapaglaan ng karagdagang transportasyon.

LRTA

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with