^

Metro

Cayetano, Padilla, Aplasca kinasuhan ng Obstruction of Justice sa Ombudsman

Angie dela Cruz - Pilipino Star Ngayon
Cayetano, Padilla, Aplasca kinasuhan ng Obstruction of Justice sa Ombudsman
Sen. Alan Peter Cayetano, Sen. Robin Padilla at dating Senate Sergeant-at-Arms Mao Aplasca.
STAR / Jesse Bustos , Philstar.com / Ian Laqui

MANILA, Philippines — Sinampahan ng kasong Obstruction of Justice sa Office of the Ombudsman ng grupong Tindig Pilipinas sina Senate President Alan Cayetano at Senator Robinhood Padilla at dating Senate Sergeant-at-Arms Mao Aplasca.

Ayon kay Tindig Pilipinas convenor Francis Joseph Aquino Dee, ang pagsasampa ng kaso ay bunsod na may mga opisyal ng pamahalaan na maaring tumulong o nagbigay daan para makatakas si Senador Ronald dela Rosa sa pag- aresto sa kabila ng umiiral na warrant of arrest na inilabas ng International Criminal Court (ICC) .

Aniya, layunin ng rek­lamo na igiit ang isang pangunahing prinsipyo ng demokrasya na walang sinuman ang nakahihigit sa batas.

Ang usapin aniya ay hindi lamang tungkol sa isang tao kundi tungkol sa pagtatanggol sa integridad ng mga pampublikong institusyon at sa pagtiyak na ang mga mekanismo ng pananagutan ay guma­gana nang walang panghihimasok sa politika.

Dagdag pa ni Dee na bahagi ng reklamong ito nang mas ma­lawak na pagsisikap na labanan ang kutura ng impunity o kawalan ng pananagutan at makiisa sa mga biktima ng drug war at kanilang mga pamilya.

Nanawagan naman ang mga naghain ng rek­lamo sa Ombudsman na magsagawa ng patas at walang kinikilingang imbestigasyon at tiya­king mapanagot sa ilalim ng batas ang mga opis­yal na mapatutunayang humarang sa proseso ng hustisya.

ALAN CAYETANO

MAO APLASCA

ROBINHOOD PADILLA

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with