Nursing student kulong sa sextortion
Nangikil ng P600K ‘enrollment fee’
MANILA, Philippines — Arestado ang isang babaeng nursing student sa entrapment operation ng Pasig City Police matapos ireklamo ng isang empleyado ng bangko sa Pasig City.
Sa ulat ng Pasig City Police Station dakong alas-2:30 ng madaling araw nitong Sabado Mayo 23, 2026 nang madakip ang suspek sa isang coffee shop sa nabanggit na lungsod.
Batay sa reklamo ng biktima, mula pa noong Marso ng taong kasalukuyang ay hindi siya tinatantanan ng suspek ng pananakot na ibubulgar ang kanilang mga pagtatalik kung hindi siya magbibigay ng pera.
Sa kabila ng mahigit dalawang buwan ay umabot na rin sa P600,000.00 ang mga nahingi nito sa kanya hanggang sa muli itong nangungulit at nanghihingi ng P6,000.00 para ipambayad ngayong enrollment.
Kaya nagpasya na ang biktima na humingi ng tulong sa pulisya.
Agad namang ikinasa ng mga awtoridad ang operasyon na nagresulta sa pagkakadakip sa suspek.
Nakapiit na ang suspek na sinampahan ng reklamong Robbery (Extortion).
- Latest
