Torre handang arestuhin si Bato
MANILA, Philippines — Handa umanong tumulong ang Metropolitan Manila Development Authority (MMDA) sa pagdakip kay Senador Ronald “Bato” Dela Rosa kung nasa hurisdiksyon ng ahensiya, ayon kay MMDA General Manager Usec Nicolas Torre III nitong Biyernes.
Sinabi ni Torre na handa siyang dakpin ang senador kung nasa hurisdiksyon ng MMDA tulad ng landfill, waterways, at ilog.
“Basta MMDA area, nandyan sa kalsada, sa ilalim ng kanal, sa imburnal, o ‘yan puwede,” ani Torre.
Binigyang-diin niya na ang MMDA ay maaaring tumulong kung nasa lugar o hurisdiksyon ng ahensiya dahil ito aniya, ay “whole of government approach” at maging sa ibang lugar na may ibang office of primary responsibility.
Binigyan diin pa ni Torre na duty-bound ang law enforcers na ipatupad ang legal na proseso at warrants kahit sino pang personalidad ang sangkot at hindi maaaring mamili kung ano ipatutupad.
“Ang pagtingin ko diyan, institutional ‘yan e.. It’s not about a person, it’s not about me, it’s not about Senator Bato. It is about a process, it is about a system, it is about a law, and it is about a job,” ani Torre.
“The job of the police is not to judge the case, but to implement the processes, and in this case, the warrant… So they have to do it, protect the process, let it roll in its natural course,” aniya pa.
- Latest
