Pulis sa viral rape case, sinibak
MANILA, Philippines — Sinibak na sa serbisyo ng National Police Commission (NAPOLCOM) ang isang pulis na guilty sa kasong Grave Misconduct at Conduct Unbecoming of a Police Officer ng insidente ng panghahalay na nag- viral sa social media.
Sa naging desisyon ng Napolcom En Banc napatunayang si Pat. Joshua S. Mendoza ay guilty sa kaso ng panggagahasa batay na rin sa mga matititibay na ebidensiya kabilang na ang mga testimonya ng mga eyewitness, medico-legal findings, CCTV footage at ang pahayag ng complainant.
Napatunayan ng komisyon na si Mendoza ay gumawa ng sexual violence na labag sa biktima na maliwanag na paglabag sa Republic Act No. 8353 o ang Anti Rape Law of 1997.
Pinawalang sala naman ang isa pang pulis na nasama sa reklamo na si Pat. Jehan A. Mendoza matapos mapatunayan ng komisyon na walang ebidensiya na nagpapatunay dito sa krimen.
Nag-ugat ang kaso mula sa reklamong inihain noong Enero ng isang babae na nagsabing nawalan siya ng malay matapos uminom at nagising na lamang habang inaabuso sa loob ng isang motel.
“The police are meant to protect rights, not violate them. Every abuse committed by a few erodes the integrity of the entire institution. That is why our position is clear, cleanse the ranks, hold offenders accountable, and restore the people’s trust.” Ayon kay Napolcom Commissioner Ralph Calinisan,
- Latest
