DOTr-MRT-3 at LRT-2, may libreng sakay bukas
MANILA, Philippines — Magandang balita dahil magkakaloob ang pamunuan ng Department of Transportation-Metro Rail Transit Line 3 (DOTr-MRT-3) at Light Rail Transit Line 2 (LRT-2) ng libreng sakay sa lahat ng kanilang pasahero para sa Araw ng Kagitingan bukas, Huwebes, Abril 9, 2026.
“Bilang pagpupugay sa katapangan at sakripisyo ng mga Pilipino, handog ng DOTr-MRT-3 ang #LibrengSakay para sa lahat ng pasahero ngayong darating na Huwebes, Abril 9, kasabay ng paggunita ng Araw ng Kagitingan,” anunsiyo ng DOTr MRT-3.
“Ang inisyatibong ito ay alay bilang pakikiisa ng LRTA sa pag-alala sa kagitingan, sakripisyo, at kabayanihan ng ating mga bayani na nag-alay ng kanilang buhay para sa kalayaan ng ating bansa.”
Maaari umanong sumakay ng libre sa mga tren ng DOTr-MRT-3 at LRT-2 mula 7:00AM hanggang 9:00AM at mula 5:00PM hanggang 7:00PM sa nasabing araw.
Inaanyayahan din nila ang lahat na samantalahin ang libreng sakay na ito habang sama-sama nating ginugunita ang mahalagang araw sa kasaysayan ng Pilipinas.
- Latest
