Driver hinimatay sa pilahan ng fuel subsidy

MANILA, Philippines — Isang jeepney driver ang hinimatay sa gitna ng pila para sa pagtanggap ng ayuda, sa Quezon City, tanghali ng Miyerkules.

Batay sa ulat ng ­Quezon City Police District (QCPD), ang biktimang si alyas “Rechie”, 40-anyos, residente ng Dahlia St., Quezon City ay kinaila­ngan ding isugod sa Que­zon City General Hospital upang lapatan ng lunas.

Sa gitna ng pamamahagi ng fuel subsidy ng Department of Social Welfare and Development (DSWD) dakong alas-11:50 ng ­umaga ng Marso 25, 2026 sa ­Quezon Memorial Circle, Barangay Central, Que­zon City nang tulungan ng mga tauhan ng Quezon City Hall Precinct (QCHP) sa pangunguna ni P/Major Rohaina Asalan at mga tauhan ng Traffic and Transport Management Division ang biktima.