Ex-spokesman ng Comelec, pumanaw na
MANILA, Philippines — Inianunsiyo ng Commission on Elections (Comelec) kahapon ang pagpanaw ng dating opisyal at tagapagsalita nito na si Atty. James Jimenez.
Sa isang pahayag, sinabi ng Comelec na labis silang nagdadalamhati dahil sa pagpanaw ni Jimenez na itinuturing na ‘longest-serving’ at ‘youngest spokesperson’ sa pamahalaan noong panahon ng kanyang appointment.
“The Commission on Elections mourns the passing of James Jimenez, former Spokesperson and Director IV, Education and Information Department of the Commission, who served the institution and the Filipino people with integrity, clarity, and utmost dedication,” anang Comelec, sa isang pahayag.
Binigyang-pagkilala ng Comelec si Jimenez na anila ay nagsilbing ‘public face’ at ‘steady voice’ ng komisyon simula Hulyo 2006 hanggang sa kanyang pagreretiro noong Setyembre 2022.
Nagpaabot rin naman ang Comelec ng pakikiramay sa mga naulilang pamilya, kaibigan at mahal sa buhay ni Jimenez.
- Latest
