13 Bureau of Corrections facilities, itatayo
MANILA, Philippines — Magtatayo ang Bureau of Corrections (BuCor) ng 13 regional facilities at dalawang karagdagan para sa karumal-dumal na krimen sa layuning maisunod sa international standard na nagtataguyod ng mas makataong pamamaraan.
Ayon kay BuCor Director General Gregorio Pio P. Catapang Jr. ito’y alinsunod sa probisyon ng Republic Act 10575 na may mandato at Republic Act 11928.
Sa isang presentasyon na ginawa ni Engr. Al Cir Juan R. Rañosa, BuCor Acting Director, Directorate for Engineering Services, sa 2nd Jail Decongestion Summit na ginanap kamakailan sa Manila Hotel, binanggit na nasa lima lamang ang regional facilities mula sa 18 rehiyon sa buong bansa.
Ang mga kasalukuyang pasilidad ay matatagpuan sa National Capital Region (NCR)Region IV-B (MIMAROPA)Region VIII (Eastern Visayas)Region IX (Zamboanga Peninsula)Region XI (Davao Region).
Nakita na may kagyat ding pangangailangan sa Cordillera Administrative Region , Region I (Ilocos Region), Region II (Cagayan Valley), Region III (Central Luzon), Region IV-A (CALABARZON), Region V (Bicol Region), Region VI (Western Visayas), Region VII (Central Visayas), Negros Island Region (NIR), Region X (Northern Mindanao), Region XII (SOCCSKSARGEN), Region XIII (CARAGA Region), at sa Bangsamoro Autonomous Region in Muslim Mindanao (BARMM).
Sinabi naman ni Catapang na nasimulan na ang pagtatayo ng Super Maximum Facility (SMF) sa Sablayan, Occidental Mindoro, na para sa Luzon area at wala pa sa Visayas at Mindanao.
- Latest
