300 Siklista sumabak sa ‘Pedal for the Planet’
MANILA, Philippines — Halos 300 siklista at mga environment advocates ang sumabak sa “Pedal for the Planet” unity ride nitong Sabado sa Quezon City na nanawagan ng karapatan sa kalikasan, climate action at mas malakas na proteksiyon sa mga bulnerableng komunidad.
Ang aktibidad ay inorganisa ng Earth Island Institute Asia –Pacific sa pakikipag-tandem sa iba’t -iba’t civil society at cycling groups.
Naging tema naman ng aktibidad ang “Be a Hero for the Planet” na hinihikayat ang publiko na makilahok sa adbokasya para sa malinis na kapaligiran at isulong ang mobility, road safety at aksiyon ng komunidad.
Ayon sa grupo, bahagi rin ito ng paggunita sa Human Rights Day. Ang mga nagsilahok ay nagsipagbisikleta sa mga pangunahing kalye sa Quezon City bago nagtipon para sa isang maikling programa na itinampok ang iba’t-ibang mga organisasyon at mga lider ng naturang adbokasya.
Samantalang inihayag pa ng grupo na kailangan ang idepensa ang pagproprotekta sa kapaligiran, linisin ang kapaligiran sa mga komunidad at gawing ligtas ang mga kalsada para sa mga siklista.
- Latest
