Magno itinalagang acting director ng NBI

MANILA, Philippines — Itinalaga ni Pangulong Ferdinand Marcos Jr si Lito Magno bilang acting director ng  National Bureau of Investigation (NBI).

Si Magno ay naunang itinalaga ni Marcos bilang officer-in-charge (OIC) of the NBI matapos magbitiw sa puwesto si  director Jaime Santiago.

“Pursuant to the provisions of existing laws, you are hereby appointed acting director (Director VI), NBI, Department of Justice,” nakasaad sa appointment paper na inilabas ng palasyo.

Nagsimula sa NBI si Magno noong Abril 1991 hanggang sa umakyat sa ranggong director noong Marso 2010.