Magno nanumpa bilang NBI-OIC
MANILA, Philippines — Pormal nang nanumpa bilang officer in charge ng National Bureau of investigation (NBI) si Atty. Angelito Magno na uupo kapalit ng nagbitiw na si NBI director Judge Jaime Santiago.
Pinangunahan ni Santiago ang turn-over ceremony sa NBI headquarters sa Pasay kasunod ng regular na flag raising ceremony.
Si Magno ay isang career officer na nagsilbing imbestigador sa loob ng higit sa 33 taon at naging hepe ng NBI-Special Action Unit.
Naging Regional Director sa Regions III, I, IV-A, at X, kung saan pinangasiwaan nito ang malawak ng jurisdiction sa Luzon, Visayas at Mindanao.
Sa kanyang pamumuno nakamit din nito ang malaking accomplishment sa pagkakasabat ng P3.8 bilyon halaga ng illegal na droga sa Pampanga at marami pang iba.
Namuno rin siya bilang hepe ng NBI sa Ninoy Aquino International Airport (NAIA).
Nangako naman si Magno na ipagpapatuloy niya ang nasimulan ni Santiago sa pamamagitan ng maayos at tapat na pamamahala sa ahensiya para sa bayan.
- Latest
