^

Metro

GDP ng Parañaque umabot sa higit P366 bilyon noong 2024- PSA

Ludy Bermudo - Pilipino Star Ngayon

Tumaas ng 6.8 percent

MANILA, Philippines — Patuloy ang malakas na pagganap ng ekonomiya ng Lungsod ng Parañaque matapos umabot sa ?366.44 ­bilyon ang Gross Domestic Product (GDP) nito noong 2024, katumbas ng 6.8% na paglago kumpara sa nakaraang taon, ayon sa pinakahuling ulat ng Phi­lippine Statistics Authority (PSA).

Ayon kay Maricel Carangan, Acting Supervising Statistical Specialist ng PSA-NCR, nagtala ang Parañaque ng 8.7% na growth rate noong 2023, dahilan upang itu­ring itong pinakamabilis na lumagong ekonomiya sa mga highly urbanized cities (HUCs) sa Metro Manila sa panahong iyon.

Noong 2024, tinata­yang umabot sa ?521,065 ang per capita GDP ng lungsod, na nakuha sa pag­hahati ng kabuuang GDP sa bilang ng po­pulasyon batay sa 2024 census.

Sinabi ni City Trea­surer Dr. Anthony Pulmano, nananatiling pangunahing tagapagpasigla ng ekonomiya ang sektor ng serbisyo, na bumubuo ng 78.6% ng kabuuang output at lumago ng 7.3%, habang ang sektor ng industriya ay tumaas ng 5.1%.

Dagdag pa ni Pulmano, nanguna sa mga sektor ang transportation and sto­rage (19.0%), sinundan ng accommodation and food service activities (9.9%), na nagpapakita ng tuluy-tuloy na pagbangon ng lungsod mula sa pandemya at patuloy na kumpiyansa ng mga mamumuhunan. 

Kinilala rin ng Department of Finance (DOF) ang mahusay na pamamahala sa pananalapi ng Lungsod ng Pa­rañaque, batay sa pinakahuling performance report nito, kung saan ang lungsod ay nagtamo ng mga sumusunod na ranggo: Ika-4 sa Year-on-Year Growth in Local Source Revenues, Ika-6 sa Local Source Revenues, at Ika-8 sa Ratio of Local Source Revenues to Total Current Operating Income sa lahat ng highly urbanized cities sa bansa.

Pinuri ni Mayor Edwin Olivarez ang sektor ng negosyo sa lungsod sa kanilang katatagan at malaking ambag sa lokal na ekonomiya, at tiniyak ang patuloy na panga­ngalaga ng pamahalaang lungsod sa isang business-friendly environment na makakahikayat ng mas maraming mamumuhunan at makalilikha ng de-kalidad na trabaho para sa mga Paraña­queño.

DOMESTIC

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with