Ex-Piston President George San Mateo, pumanaw na
MANILA, Philippines — Pumanaw na sa edad na 60-taong gulang ang dating national president ng transport group na Pagkakaisa ng mga Samahan ng Tsuper at Operator Nationwide (PISTON) na si George San Mateo, o mas kilala sa tawag na “Ka George”.
Sa anunsiyo ng grupo, nabatid na si San Mateo, ay sumakabilang-buhay dakong alas-9:00 ng gabi noong Biyernes, Hulyo 25, dahil sa atake sa puso.
“Ka George was known across the country as a fearless leader and activist fighting for the rights and welfare of jeepney drivers, operators, and working people,” anang grupo, sa isang pahayag.
Nabatid na bago maging national president ng Piston, si San Mateo ay naging tsuper at operator.
Kilala siya sa pamumuno sa mga welga upang tutulan ang pagtaas ng presyo ng langis at sa jeepney phaseout program ng gobyerno.
Noong 2017, inaresto siya sa ilalim ng administrasyon ni dating Pangulong Rodrigo Duterte matapos na pamunuan ang isang transport strike ngunit malaunan ay napawalang-sala noong 2020.
- Latest
