3 huli ng NBI sa ilegal na pagbebenta ng SIM cards

MANILA, Philippines — Hnuli ng mga ahente ng National Bureau of Investigation (NBI) ang tatlong katao na  ilegal na nagbebenta ng  SIM cards sa Maynila.

Kinilala ng NBI ang mga suspek na sina   Kim Thi Ta, Ria Nunez Sto. Domingo, at Mary Joy Llamera Sto. Domingo na nahuli sa isinagawang operasyon ng Organized and Transnational Crime Division (NBI-OTCD) ng NBI sa Tondo, Maynila  sa bisa ng  search warrant na naipalabas ng korte laban sa mga ito.

Nakuha mula sa mga ito ang pre-registered SIM cards, cellular phones, computer sets at  GSM Modem/Text Blaster.

Ang mga ito ay kakasuhan ng paglabag sa  Republic Act (RA) 11934 o SIM Registration Act.