40 BuCor personnel, ‘di masisibak - Catapang

MANILA, Philippines — Magandang balita ang inanunsyo kahapon ni Bureau of Corrections (BuCor) Director General Gregorio Pio Catapang Jr. para sa 40 tauhan na una nang iniulat na matatanggal sa serbisyo.

Ani Catapang, ipinaalam sa kaniya ni BuCor Deputy Director for Administration, Atty. Al Perreras na ang hindi bababa sa 40 mula sa 275 na BuCor personnel “for attrition” ay naisalba mula sa pagkakatanggal sa serbisyo dahil itinuturing ng Civil Service Commission (CSC) ang kanilang mahabang karanasan bilang eligibility, habang dalawa ang nakatugon sa requirements habang ang isa ay nagretiro na.

Sa pagbanggit sa CSC Resolution No. 435, ang CSC ay pinahintulutan ng batas na magpalabas hayag ng mga patakaran, pamantayan at mga alituntunin na namamahala sa recruitment at pagpili ng mga empleyado sa una at ikalawang antas ng mga posisyon sa career service.

“Pursuant to this authority on Personnel Actions and Policies provides that examinations maybe assembled or unassembled and the examination may take into consideration the experience, education, aptitude, capacity, skills, knowledge and potential of the applicant,” ayon sa BuCor.

Ang probisyong ito ng CSC ay kasunod na pinalawak ng CSC Memorandum Circular No. 16, series of 1990 na pinamagatang “Reinclusion of the Various Protective Service Positions in the coverage of RN 435” which is considered a comparable eligibility for Prison Guards who earned their Baccalaureate Degrees to the ranks of Corrections Officer 1 to Corrections Officer III.

Magreresulta ito sa pananatili ng isang Corrections Senior Inspector (C/SINSP), apat na Corrections Inspector (CINSP), apat na Corrections Senior Officer (CSO)2; dalawang CSO3, 19 CSO2, 7 CSO1, isang Corrections Technical Officer (CTO)3, dalawang CTO2 at dalawang CTO1.