400 classrooms sa Makati public schools, gagawing hi-tech
MANILA, Philippines — Mararanasan na ng mga estudyante sa pampublikong paaralan ang tulad ng “high-tech” classrooms ng mga private at exclusive schools sa nakatakdang pag-convert sa “smart classrooms” ng Pamahalaang Lungsod ng Makati.
Inanunsiyo kahapon ni Makati City Mayor Abby Binay na ngayong taon ay lalagyan ng interactive whiteboards, notebook tablets, at unlimited internet access ang nasa 400 classrooms sa public schools sa lungsod.
Aniya, may kabuuang 200 Hybrid Interactive Boards (HIBs) o 50 % sa target ang naipamahagi na, kung saan 119 nito ay naka -install na sa elementarya at 81 sa high school.
Ang bawat unit ng HIB ay nilagyan ng Adroid 11.0 intelligent operating system na may 5G wireless internet access at WiFi hotspot, at isang three-way USB interface support. Mayroon din itong 4-core 64-bit na CPU, isang 4K touchscreen whiteboard na may mga feature na multi-gesture writing, wireless co-screening na may multiple screening, at remote snapshot. Ang 8-array microphone ay nay 10-meter pickup distance para sa video conferencing.
“We aim to incorporate IoT (Internet of Things) devices into 400 smart classrooms and expand this initiative in the near future,” ani Mayor Abby.
“Our goal is to continuously provide quality education and modern instructional resources that meet the demands of the 21st century,” dagdag pa niya.
Magkakaroon din ang bawat classroom ng access sa mga notebook tablet na konektado sa Learning Management System (LMS) ng paaralan, bukod sa isang unit ng HIB na may mga remote classroom capabilities.
Sa loob ng smart classroom ay may kaniya-kaniyang notebook tablet sa kanilang mesa, para gamitin sa direktang pagsagot sa mga pagsasanay, worksheet at pagsusulit.Samantala, ang mga tool sa pag-aaral ng analytics na isinama sa LMS ay makakatulong na bawasan ang administratibong workload.
Mula Oktubre hanggang Nobyembre, ang 692 public school teachers sa lungsod ay sumalang sa hands-on training para sa Intensive Hybrid Interactive Smart Classroom Television Orientation at Hands-on Training program.
- Latest
