Anak ng ‘drug queen’, inabsuwelto sa droga

MANILA, Philippines — Inabsuwelto ng Manila Regional Trial Court (RTC)  ang anak ng isang ‘drug queen’ sa kasong may kinalaman din sa ille­gal na droga.

Batay sa desisyon na pirmado ni Judge Daniel Villanueva ng RTC Branch 49, hindi sapat ang ebidensya na magdidiin kay Diana Yu Uy, anak ni Yu Yuk Lai na  nakakulong pa hanggang ngayon sa Correctional Ins­titution  For Women.

Sa imbestigasyon, lu-malabas na walang bisa ang search warrant na inisyu noon laban kay Uy dahil walang sapat na batayan bukod pa sa illegal na drogang nakuha sa kanya ay itinanim lamang.

Nakasaad din na ang  ebidensiya na nakuha kay Uy ay hindi maaa-ring tanggapin ng korte at posibleng ‘planted’.

Matatandaan na naa­resto si Uy noong Nobyembre 2017 nang makum-piskahan ng halagang P10 milyong shabu sa isang condominium unit  malapit sa Solano gate ng Malacañang sa San Miguel, Maynila.

Nakuha ng mga tauhan ng Philippine Drug Enforcement Agency ang hindi    ma­lamang halaga ng shabu  na nakalagay sa plastic   bag sa condominium ni Uy.

Hindi naman nagbigay ng pahayag ang PDEA hinggil sa naging desisyon ng korte.