Obrero, patay sa gumuhong lupa
MANILA, Philippines – Patay ang isang obrero matapos matabunan ng gumuhong lupa sa isang contruction site sa Marikina City, kahapon ng tanghali. Ang biktima ay kinilalang si Ernesto Espaldon, residente ng Antipolo City.
Nabatid mula kay Supt. Vincent Calanoga, hepe ng Marikina police, na ang insidente ay naganap dakong alas-12:00 ng tanghali sa Paraluman corner Paraiso St., Brgy. Parang, Marikina City.
Ayon sa report, habang ang biktima at iba pang kasama sa trabaho ay abala sa paghuhukay ng lupa na pagtatayuan ng isang warehouse nang biglang gumuho ang lupa at matabunan ang biktima.
Nahirapan ang mga kasamahan sa trabaho at grupo ng Marikina rescue team na makuha agad ang katawan ng biktima dahil may tubig at maputik ang hukay na nasa 8 to 10 feet ang lalim.
Umabot ng halos apat na oras bago makuha ang bangkay ng biktima.
Tinitingnan ngayon ng pamahalaan lungsod ng Marikina ang posibleng kakaharaping negligence ng management ng ginagawang gusali.
- Latest
