Akyat bahay, huli sa akto
MANILA, Philippines – Huli ang isang miyembro ng ‘akyat bahay gang’ sa loob mismo ng bahay na kanyang nilooban sa Brgy. Pinagbuhatan sa Pasig City, kahapon ng madaling araw.
Kinilala ang suspek na si Anthony Apostol, residente rin ng Pasig City ay ipinagharap nang kasong theft.
Mismong ang biktimang si Rommel Ordiales, residente ng Ilugin, Brgy. Pinagbuhatan, Pasig City ang nakahuli sa suspek habang siya ay pinagnanakawan dakong alas-2:00 ng madaling-araw.
Sa reklamo ni Ordiales sa pulisya, nabatid na mahim-bing na siyang natutulog sa loob ng kanyang kuwarto nang magising dahil sa ingay na mula sa likurang pintuan ng bahay.
Kaagad siyang nagduda na may nakapasok na magnanakaw kaya’t dahan-dahang siyang bumangon at naaktuhan ang suspek na binubuksan ang kanyang bag, kaya’t kaagad na niya itong dinakma.
Humingi rin siya ng tulong sa mga miyembro ng Barangay Security Force (BSF), na siyang tumulong sa kanya upang madala ang suspek sa
presinto.
Bagamat nabawi mula sa suspek ang cellphone ng biktima, hindi naman nakuha ang P2,500 cash na ninakaw nito, na sinasabing naipasa sa isang
kasabwat, na nakatakas.
- Latest
