Karambola ng 3 sasakyan: 10 sugatan
MANILA, Philippines – Sampu katao ang nasugatan nang magkarambola ang tatlong sasakyan sa EDSA, Muñoz, Quezon City, kahapon ng madaling-araw.
Bunga nito, agad namang isinugod sa pinakamalapit na ospital ang mga nasugatang pasahero na nagtamo ng sugat sa kanilang katawan.
Ayon kay Traffic Aide Jessiline Quiambao ng Quezon City District Traffic Enforcement Unit Traffic Sector 1 may u-turn slot sa EDSA sa Brgy. Ramon Magsaysay, Muñoz, sa lungsod.
Sinasabing habang tinatahak ng Elf truck (RLT-201) ang kahabaan ng EDSA galing Balintawak nang salpukin nito ang isang SUV Toyota Fortuner (UIE-291) at isang pampasaherong jeep. Dahil sa lakas ng pagkakasalpok nasugatan ang mga pasahero ng pampasaherong jeep.
Iniimbestigahan pa ng mga tauhan ng traffic investigator ang sanhi ng aksidente.
- Latest
