Lolo hinostage ang apo sa sementeryo
MANILA, Philippines - Kalaboso ang isang 56-anyos na lalaki makaraang i-hostage nito ang kanyang 12-anyos na babaeng apo sa loob ng Manila North Cemetery, sa Sta. Cruz, Maynila, kahapon ng madaling-araw.
Sa ulat ng Manila Police District-Station 3, dakong alas- 4:00 ng madaling-araw nang magulat ang mga nagtitinda sa may main avenue ng MNC dahil biglang nagsisisigaw ang suspek na si Adolfo Gonzales, alyas Jun na nagsabing may humahabol at nagtatangkang patayin siya.
Mabilis nitong tinungo ang stall ng kanyang kaanak saka hinila at hinostage ang kanyang apo na itinago sa pangalang Nene kaya nagkaroon nang tension sa paligid.
Hinila ng suspect ang bata saka tinutukan ng patalim. Agad namang rumesponde ang mga nakatalagang tauhan ng MPD at pinalibutan ang suspek hanggang sa napayapa na ang suspek at kusang binitawan ang apo.
Nabatid na ang suspek ay wala umanong tulog ng ilang araw kaya nagkaroon ng nervous breakdown.
Ilang sandali pa ay napayapa na ang lolo at binitiwan ang apo. (Ludy Bermudo)
- Latest
