FHM model nag-sorry na sa pagdawit sa pulis

MANILA, Philippines — Humingi na ng paumanhin ang isang modelo ng FHM matapos maidawit ang isang pulis sa paggamit ng business card niya upang hindi mabigyan ng ticket sa isang traffic violation.

Sinabi ni Alyzza Agustin sa kanyang Facebook account na hindi niya kilala si Philippine National Police (PNP) Director for Plans Chief Superintendent Alexander Ignacio.

"I would like to apologize to everyone who was affected and offended by my post, fellow motorists, Director Alexander C. Ignacio and his family and the PNP institution as a whole," pahayag ni Agustin.

"I was just overwhelmed by that moment because I was caught in traffic for hours coming from work. I would like to make it a point that I do not know Director Alexander C. Ignacio personally," dagdag niya.

Kumalat ang post ni Agustin kung saan may larawan na kita ang business card ni Ignacio na may lagda pa niya at mensahe upang hindi hulihin ang modelo sa tuwing lalabag sa batas trapiko.

"Nahuli na naman ako dahil coding, but because of you, Boss Alex, wala nang huli-huli," sabi ni Agustin sa Facebook na kalaunan ay binura niya. "Thank you so much as napaka-useful mong card with matching dedication pa #happykid."

Samantala, sinabi ni Ignacio na hindi niya kilala si Agustin at hindi niya “executive assistant” ang modelo.

"There is no such position in my office," sabi ni Ignacio. "I do not give my business card to those who request it."