Vhong rape complainants sumuporta kay Fajardo

MANILA, Philippines - Nagbarikada ang mga kamag-anak ni Deniece Cornejo, kasama si Roxanne Cabanero, sa Quezon City Prosecutor's Office upang magpakita ng suporta sa kapwa nila rape complainant na si Margarito Fajardo laban kay Vhong Navarro.

Nagtungo si Navarro sa piskalya nitong Huwebes ng umaga upang magpasa ng rejoinder kay Assistance City Prosecutor Nilda Ordono, bilang sagot sa kasong rape na isinampa ni Fajardo.

Nakatakda nang desisyunan ng piskalya kung may probable cause na sampahan ng kaso sa korte si Navarro.

Halos dumugin ng tao si Navarro sa pagpasok sa prosecutor's office.

Habang papasok, binato ni Cabanero ng shades at ng takip ng bote ng isa pang hindi kilalang tao si Navarro.

Si Fajardo ang pangatlong babae na nagsampa ng kasong rape laban kay Navarro matapos mabugbog ang aktor ng grupo ng negosyanteng si Cedric Lee sa condo unit na tinitigilian ni Cornejo.