Sunog dahil sa mga tambay

MANILA, Philippines - Nasunog ang 2-palapag na apartment sa panulukan ng  Old Sta. Mesa at V. Mapa sts., Sta. Mesa, Maynila na hinihinalang kagagawan ng mga tambay na pumasok sa abandonadong unit, kahapon ng madaling-araw.

Umabot sa ika-4 na alarma ang sunog na nagsimula alas 3:30 ng madaling araw sa residential building sa no. 4709 Old Sta. Mesa at V. Mapa sts., na idineklarang fire-out alas 5:48 ng umaga.

Sa ikalawang palapag umano nagsimula ang apoy sa walang taong kuwarto at na­damay din ang mga nasa likod na ancestral home.

Tinatayang mahigit P1-milyon ang natupok at nasa 30 pamilya ang naapektuhan.