Tricycle driver niratrat ng tandem
MANILA, Philippines - Isang tricycle driver ang pinagbabaril ng riding in-tandem sa Brgy. Commonwealth, Quezon City kamakalawa ng gabi.
Kinilala ang biktima na si Bio Goma, 52, may-asawa ng 223 San Pascual St.,Brgy. Commonwealth, QC.
Si Goma ay nasawi noon din dahil sa tinamong maraming tama ng bala ng baril sa katawan.
Sa ulat ni PO2 Alvin Quisumbing ng Quezon City Police District CriÂminal Investigation and Detection Unit, naganap ang insidente sa harap ng General Dental Clinic sa Villongco St., Brgy. Commonwealth dakong 10:40 ng gabi.
Sinabi ng witness na si Randy Perez sa pulisya na kasalukuyan siyang nakatayo sa naturang lugar nang biglang dumating ang suspek na armado ng baril saka pinagbabaril ang walang kalaban-laban na biktima.
Tumakas ang suspek sakay ng isang nag-aantay na motorsiklo.
Nakuha mula sa piÂnangyarihan ng insiÂdente ang 3 basyo ng kalibre .45 na baril na ginamit sa biktima.
Nagsasagawa na ng follow-up operation ang mga pulis para madakip ang suspek.
- Latest
