7-buwan fetus natagpuan sa tabi ng banko

MANILA, Philippines - Isang 7-buwang lalaking fetus ang natagpuan sa tabi ng isang  banko  sa Sta Cruz, Maynila kamakalawa ng gabi.

Sa ulat ng pulisya, dakong  alas-8:00 ng gabi nang madiskubre ang fetus sa tabi ng Banco De Oro sa Rizal Avenue sa pagitan ng Batangas at Laguna Sts., Sta. Cruz.

Unang itinawag sa MPD-Station 3 ang nadiskubreng fetus na wala namang nakitang indibidwal na nagtapon doon.

Nakabalot sa isang shorts na satin ang nasabing fetus na inilagak na sa Nathan Funeral Homes para sa safekeeping.