Bading natagpuang patay sa underpass

MANILA, Philippines - Isang hindi pa kilalang umano’y  bading ang natagpuang patay sa underpass ng Padre Burgos sa Ermita, Maynila.

Nakakuha ng impormas­yon si PO2 Michael Maraggun ng Manila Police District-Ho­micide Section na ang biktima ay kilala lamang sa alyas na Darna, nasa 40-42 ang edad. may taas na 5’5’’-5’7’’, walang permanenteng address at may tattoo na “Darna” at “Buddy” sa katawan, na nakasuot ng t-shirt na kulay puti at maong na shortpants.

Nakabaluktot umano o fetal position ang nasabing biktima nang madiskubre dakong alas- 6:00 ng umaga sa kalsada ng underpass.

Hinihinalang namatay sa sakit ang biktima dahil walang nakitang sugat o indikasyong pinaslang ito, ayon kay Maraggun.

Huli umanong nakitang buhay ang biktima kama­kalawa ng alas-8:00 ng gabi nang makisuyo ito sa isang Ryan Banigued na ibili siya ng tinapay.

Dinala ang bangkay ng biktima sa St. Rich Funeral para sa awtopsiya at safekeeping.