Nagkainitan sa basketball Estudyante niresbakan, patay
MANILA, Philippines - Bala ang naging ganti na ikinamatay ng isang 22 anyos na estudyante nang isumbong ng katunggaling player sa kapatid na rumesbak, habang nasa basketball court, sa Quiapo, Maynila, kahapon ng hapon .
Dead on the spot ang biktimang si Don Johnson Alban , binata, residente ng no. 1128 Plaza Del Carmen, Quiapo.
Hindi pa tukoy ang pagkakakilanlan ng tumakas na gunman, na sinasabing Muslim at kapatid ng player na nakalaban sa basketball ng biktima.
Sa ulat ni SPO2 ÂRonald Gallo, ng Manila Police District-Homicide Section, naganap ang insidente dakong alas 3:00 ng hapon sa basketball court sa Carcer ÂSt. Âsa Quiapo.
Nagkainitan umano ang biktima at isa sa kalabang player hanggang sa inilabas ng game ang dalawa.
Maya-maya ay may lalaÂking bigla na lamang bumaril sa biktima na hinihinalang resbak sa kaniya ng kaaway.
Patuloy pang iniimbestigahan ang insidente.
- Latest
