P100-M PDAF ni Jinggoy sa Maynila, suportado ng konseho

MANILA, Philippines - Suportado ng konseho ng Maynila ang pagbibigay ng  P100 milyon Priority Deve­lopment Allotment Fund ni  Senador Jinggoy Estrada para sa mahihirap na residente ng  lungsod.

Sa resolusyon na ini­hain ni Manila 3rd District Coun­cilor Joel Chua kasabay ng kan­yang paghahain ng re­so­lution upang gamitin ang nasabing halaga sa ilang pro­yekto ng lungsod ng Maynila.

Ayon kay Chua, lumilitaw sa report ng Commission on Audit (COA) na walang pera ang  lungsod  kung saan may utang ito na umaabot sa P3.5 milyon bukod pa bayarin sa  Meralco na  P613 milyon.

Paliwanag ni Chua, ma­laking tulong ito sa lung­sod dahil mismong ang mga Manilenyo ang siyang maki­kinabang at hindi naman ang  alkalde.

Maaari naman aniyang pag­laanan ang  anim na  os­pital ng lungsod, 59 health centers, 12 lying-ins, isang unibersidad at isang city college.

Hindi aniya maikakaila na  maraming Manilenyo ang mahirap at nangangailangan ng  tulong.

Gayunman, sinabi pa ni Chua na kailangan ding su­mailalim sa COA ang  P100 milyon upang malaman kung  saan napunta ang pera at hindi dapat na ginamit sa anu­mang personal interest.