Bodegang ginawang katayan ng mga karnap, sinalakay

MANILA, Philippines  Isang bodega na ginagawang katayan ng mga karnap na sasakyan ang ni-raid ng mga pulis  sa Valenzuela City kamakalawa ng hapon.

Sa ulat na nakarating kay Police Senior Supt. Rho­derick Armamento, hepe ng Valanzuela City Police, alas-5:30 ng hapon nang salakayin ng mga pulis sa bisa ng search warrant na pinalabas ni Judge Nancy Rivas Palmones ng RTC Branch 172 ang isang bo­dega sa kahabaan ng Sibesco St., Victoria Village, Brgy. Canumay East ng na­turang  lungsod.

Nakakuha ang mga pulis na mga piyesa ng mga sa­sakyan kinarnap at mga gamit sa pagkatay ng sasakyan.

Lumalabas na noong Disyembre 30, 2013, unang nadakip ng mga pulis si Joselito Valenzuela habang dala ang isang karnap na L-300 van kung saan inginuso nito  kung saan dinadala ang mga karnap na sasak­yan,  na naging dahilan upang kumuha ng search warrant ang mga pulis hanggang sa sinalakay ang bodega.

Kasalukuyan nang pinag­hahap ng mga pulis ang da­la­wang kasabwat ni Valenzuela na hindi muna pinangalanan.