Guro timbog sa swindling

MANILA, Philippines - Isang elementary teacher  ang dinakip  dahil sa kasong swindling habang manghihingi  ng donasyon kay Caloocan City Mayor Oscar Malapitan   sa loob ng Caloocan City Hall, kamakalawa.

Kinilala  ang suspek na  si Alan Santiago Domingo, 38, nakatalaga sa isang paaralan sa Dagupan, Pangasinan.

Base sa report alas-5:00 ng hapon ng madakip ang suspek ng mga police na nakatalagang security ni Mayor Malapitan habang nakatayo ito malapit sa tanggapan ng Mayor’s Office, Caloocan City Hall, A. Mabini St., ng naturang siyudad.

Nabatid, na nakatanggap ng reklamo ang tanggapan ng Mayor’s Office hinggil sa ginawang panloloko ng naturang suspek at matatandaan na ito rin ay napanood sa isang programa sa telebisyon na nadakip sa  kasong swindling­ sa Pangarap Village, Caloocan North.

Nagsagawa rin ng verification ang mga pulis  laban sa  suspek na napag-alamang nambibiktima rin sa mga simbahan.

Dahil dito, agad na isinagawa ang entrapment operation laban sa  suspek, nagresulta nang pagkakadakip nito.