Binata, pinabulagta ng bala

MANILA, Philippines - Bulagta ang isang binata makaraang barilin ng hindi pa nakikilalang salarin sa Pasig City, kamakalawa ng gabi.

Isang tama ng bala sa noo ang kumitil sa buhay ng biktimang si Alfie Salandanan, nasa hustong gulang na residente ng  Mala­saga Compound, Brgy. Pinagbuhatan, sa lungsod.

Sa ulat ni  PO3 Eduardo Pablo ng Criminal Inves­tigation Unit (CIU), nabatid na ang pamamaril sa biktima ay naganap dakong alas-7:45 ng gabi, malapit sa isang sari-sari store, sa nasabing compound.

Ayon sa report, nakatayo ang biktima sa lugar na tila may hinihintay na kausap nang ito ay lapitan ng isang lalaki at barilin nang mala­pitan sa ulo

Sa inisyal na imbestigasyon, lumilitaw na po­sibleng may kinalaman sa droga ang ugat ng krimen dahil madalas umanong makita ang biktima na ka­usap ang isang tulak sa ipinagbabawal na gamot.

Gayunman, nagsasagawa pa ng malalimang pagsisiyasat ang pulisya para mabatid ang tunay na motibo ng krimen at ma­dakip ang salarin.