‘Sorry’ ng Maynila, tinanggap ng pamilya ng 2010 hostage victim

MANILA, Philippines - Itinuturing ng  lungsod ng Maynila na isang mala­king de­velopment ang balita na ti­nanggap na ng pamilya ng biktima ng 2010 Manila bus hostage ang ‘sorry’ ng lungsod.

Gayunman, magsasa­gawa pa rin ng ikalawang negosasyon ang kinatawan ni Manila Mayor Joseph Es­trada upang pag-usapan ang monetary compensation. Si Manila 3rd District councilor Bernardito Ang ang  kinatawan ni  Estrada  na nagtungo sa Hong Kong.

Matatandaang suportado ng konseho ng Maynila ang  ‘apology’ ng city government.

Ayon naman kay Ang, apat ang demands ng mga pamilya ng hostage victims kung saan tatlo dito maituturing na ‘done deal’. Kabilang dito ang paghingi ng  paumanhin;  parusa sa mga sangkot at ang seguridad ng mga Hong Kong tourist.

Nabatid naman kay Manila Vice Mayor  Francisco “Isko Moreno” Domagoso,  umaabot sa HK$10 million ang naipangako ni Estrada na ibibigay sa  walong pa­milya ng madugong insi­dente.