Motorcycle rider vs bike rider: 1 patay, 1 sugatan

MANILA, Philippines - Dead-on-the-spot ang isang security guard nang mabangga ng minamaneho nitong motorsiklo ang isang nagbibisikleta sa Malate, Maynila, kamakalawa ng gabi.

Kinilala ang nasawi na si Adel Batalla, ng  Champaca St., Makati City, habang nilalapatan ng lunas sa Sta. Ana Hospital ang sakay ng bisikleta na si Cesar Ramos, barangay tanod,  ng Casino St., Malate, Maynila.

Sa ulat, dakong alas- 6:45 ng gabi  nang maganap ang nasabing insidente sa panulukan ng Osmeña Highway at Zobel Sts., sa Malate.

Mabilis umano ang pagpapatakbo ni Batalla ng Kawazaki 9398-TG nang biglang lumutang sa kaniyang harapan ang naka-bisikletang si Ramos kaya nabangga ito at tumilapon si Batalla na ikinabagok ng kaniyang ulo.

Mga tambay naman ang nagsugod sa pagamutan kay Ramos.