Manager ng fastfood chain hinoldap

MANILA, Philippines - Sinalubong ng kamalasan ang 30-anyos na ma­nager ng kilalang fastfood chain matapos itong holda­pin ng apat na kalalakihan­g lulan ng dalawang motorsiklo sa panulukan ng U.N. Avenue at M.H. Del Pilar Street, Ermita, Manila kahapon ng umaga. Nalululuhang dumulog sa himpilan ng pulisya ang biktimang si Lovely Balieta upang mag­reklamo matapos holdapin dakong alas-7 ng umaga sa nabanggit na lugar.  Base sa ulat ng pulisya, papasok sa trabaho ang bik­tima nang harangin at holda­pin ng apat na lalaking magkakaang­ kas sa dalawang motorsiklo.  Hindi nakapalag ang bik­tima matapos itong tutukan ng baril saka tangayin ang kanyang bag na naglalaman ng P5,000 cash na pambayad sana sa electril bill, IPad at cellphone.