Ex-convict itinumba
MANILA, Philippines - Utas ang isang ex-convict nang pagbabarilin ng dalawang hindi pa nakikilalang mga suspect kamakalawa ng gabi sa Malabon City.
Kinilala ni Sr.Supt. Ferdinand Ampil, hepe ng MaÂlabon City Police ang biktima na si Noelito Hugo, 30, ng Perez St., Brgy. Tonsuya ng nabangÂgit na siyudad, na nagtamo ng tama ng bala ng kalibre .45 baril sa ulo.
Samantala, mabilis namang tumakas ang dalawang suspect matapos ang isinagawang krimen. Lumalabas sa pagsisiyaÂsat ng Station Investigation Division (SID) Malabon City Police, naganap ang inÂsidente dakong alas-7:30 ng gabi sa kahabaan ng Sanchez Ext., Brgy. Tinejeros ng naturang siyudad.
Base sa salaysay ng saksing si Aries Desacula, 28, naglalakad ang biktima sa nabanggit na lugar nang biglang harangin ng dalawang suspect at agad nagbunot ng baril saka malapitang biÂnaril sa ulo ang biktima na naging dahilan ng agarang kamatayan nito.
Nabatid na kalalaya lamang ng biktima mula sa bilangguan noong Disyembre 2012. Patuloy pa ring iniÂimbestigahan ang naturang kaso.
- Latest
